അമ്പലപ്പുഴ: ബി.ജെ.പിയുടെ വിഭജന രാഷ്ട്രീയവും വര്‍ഗ്ഗീയ രാഷ്ട്രീയവും അംഗീകരിക്കാത്ത ജനവിഭാഗങ്ങളെ ഉന്മൂലനം ചെയ്യുകയെന്ന നയമാണ് അവര്‍ പിന്തുടരുന്നതെന്ന് ജി.സുധാകരന്‍ പറഞ്ഞു. ഗുജറാത്ത്, മുസാഫര്‍ കലാപങ്ങളും രോഹിത് വെമുലയുടെ മരണം, കനയ്യാകുമാറിന് എതിരെ നടന്ന അക്രമണങ്ങള്‍, ഗോവിന്ദ പന്‍സാരെ, കല്‍ബുര്‍ഗി എന്നിവരുടെ മരണവും ചില ഉദാഹരണങ്ങള്‍ മാത്രമാണ്. കേരളത്തില്‍ ഇടതുപക്ഷ പ്രസ്ഥാനങ്ങള്‍ ഉള്ളത് കൊണ്ട് മാത്രമാണ് ഇവരുടെ അക്രമണങ്ങള്‍ക്ക് ശക്തി ചോരുന്നത്. അത് ന്യൂനപക്ഷങ്ങളും ഹിന്ദുക്കളിലെ സാധാരണക്കാരും മനസ്സിലാക്കുന്നുണ്ടെന്നും അദ്ദേഹം പറഞ്ഞു. വിഭജന തന്ത്രം നമ്മുടെ രാജ്യത്ത് പരീക്ഷിച്ചത് ബ്രീട്ടീഷുകാരാണ്. സ്വാതന്ത്ര്യസമരത്തെ വഞ്ചിച്ച ബി.ജെ.പി-ആര്‍.എസ്.എസ് കാര്‍ ബ്രിട്ടീഷുകാരുടെ അതെ തന്ത്രമാണ് ഇപ്പോള്‍ തെരഞ്ഞെടുപ്പിലും ഉപയോഗിക്കുന്നത്. ഇവരുടെ ഹിന്ദുരാഷ്ട്ര വാദത്തെ ശക്തമായി എതിര്‍ക്കുന്നത് ഹിന്ദുക്കള്‍ തന്നെയാണെന്നത് അവരുടെ മതേതര ബോധത്തെയാണ് വെളിപ്പെടുത്തുന്നത്. ഇത് ബി.ജെ.പി-ആര്‍.എസ്.എസ് നേതൃത്വം മനസ്സിലാക്കണം. വര്‍ഗീയതയ്‌ക്കെതിരെ സംസാരിച്ചാല്‍ പ്രൊസിക്യൂട്ട് ചെയ്യുമെന്ന് ചിലര്‍ പറയുകയാണ് ധൈര്യമുണ്ടെങ്കില്‍ പ്രൊസിക്യൂട്ട് ചെയ്യാന്‍ വരണമെന്ന് ജി.സുധാകരന്‍ അഭിപ്രായപ്പെട്ടു. അമ്പലപ്പുഴ വടക്ക്, അമ്പലപ്പുഴ തെക്ക്, പുറക്കാട് എന്നീ ഗ്രാമപഞ്ചായത്തുകളിലെ വിവിധ കേന്ദ്രങ്ങളില്‍ നല്‍കിയ സ്വീകരണ സമ്മേളനങ്ങളില്‍ പങ്കെടുത്ത് സംസാരിക്കുകയായിരുന്നു അദ്ദേഹം. നീര്‍ക്കുന്നം കിംഗ്സ്റ്റാ റില്‍ നിന്നും ആരംഭിച്ച പര്യടനം തോട്ടപ്പള്ളി ലക്ഷ്മി തോപ്പില്‍ അവസാനിച്ചു. വിവിധ കേന്ദ്രങ്ങളില്‍ ആര്‍.നാസര്‍, എച്ച്.സലാം, ജി.കൃഷ്ണപ്രസാദ്, പി.പി.ചിത്തര ഞ്ജന്‍, എ.ഓമനകുട്ടന്‍, കമാല്‍ എം. മാക്കിയില്‍, അഡ്വ.മനു സി.പുളിയ്ക്കല്‍, കുഞ്ഞു മോള്‍സജീവ്, അജയ് സുധീന്ദ്രന്‍, അലിയാര്‍ എം. മാക്കിയില്‍, ലിജിന്‍ പടിശ്ശേരി, വി.കെ.ബൈജു, ജയരാജ്, ഇ.കെ.ജയന്‍, പ്രൊ.എന്‍.ഗോപിനാഥപിള്ള, ഹസന്‍ എം.പൈങ്ങാമഠം, അഡ്വ.ശ്രീകുമാര്‍, ജി.വേണുലാല്‍, പ്രജിത്ത് കാരിയ്ക്കല്‍ എന്നിവര്‍ സംസാരിച്ചു.