കിഴിശ്ശേരി :  തലചായ്ക്കാന്‍ സ്വന്തമൊരു വീട് എന്ന കോട്ടക്കല്‍ പി.നഫീസയുടെ സ്വപ്നം യാഥാര്‍ഥ്യമാക്കുകയാണു പ്രദേശത്തെ എസ്.കെ.എസ്.എസ്.എഫ് പ്രവര്‍ത്തകര്‍. മുണ്ടംപറമ്പ് ആനക്കല്ലുങ്ങല്‍ ശാഖ എസ്.വൈ.എസ്, എസ്.കെ.എസ്.എസ്.എഫ് സംയുക്തമായി നടത്തി വരുന്ന മജ്‌ലിസുന്നൂറില്‍ നിന്നും ലഭിക്കുന്ന സംഭാവനകള്‍ സ്വരൂപിച്ചാണു ബൈത്തുന്നൂര്‍ നിര്‍മിച്ചു നല്‍കുന്നത്. അഞ്ചു സെന്റ് സ്ഥലത്ത്  620 സ്‌ക്വയര്‍ഫീറ്റില്‍ രണ്ട് ബെഡ്‌റൂമും  അടുക്കളയും സ്റ്റിറ്റൗട്ടും ഉള്ള വീടാണു നിര്‍മിച്ചു നല്‍കുന്നത്.
ബൈത്തുന്നൂറിന്റെ കുറ്റിയടിക്കല്‍ കര്‍മം നിര്‍വഹിച്ചു. മഹല്ല് ഖത്തീബ് ബഷീര്‍ ദാരിമി, മഹല്ല് പ്രസിഡന്റ് കെ.എം അലവി ഹാജി, പി.ഷിഹാബ്, പി.അബ്ദു റഹ്മാന്‍ ഹാജി, മുഹമ്മദ് ഹാജി, അലി ഹാജി, ഉമ്മര്‍, റഫീഖ്, ഷിഹാബ് എന്നിവര്‍ സംബന്ധിച്ചു.