പാണ്ടിക്കാട്: വണ്ടൂര്‍ റോഡില്‍ കോളനിപ്പടി ജങ്ഷന്‍ പരിസരത്ത് നിയന്ത്രണം വിട്ട കാര്‍ താഴ്ചയിലേക്ക് മറിഞ്ഞു.  ശനിയാഴ്ച്ച പുലര്‍ച്ചെ ഒരുമണിയോടെയാണ് സൈലോ കാര്‍ രണ്ടുമീറ്ററിലേറെ ഉയരത്തിലുള്ള റോഡരികില്‍ നിന്ന് പുരയിടത്തിലെ തെങ്ങില്‍ തട്ടി തലതിരിഞ്ഞ് തെങ്ങിന്‍ തടത്തില്‍ തകര്‍ന്നു വീണത്.
തിരുവനന്തപുരത്തുനിന്ന് നിലമ്പൂരില്‍ വിവാഹത്തിന് വന്ന വാഹനമാണ് അപകടത്തില്‍പെട്ടത്. കാര്‍ പൂര്‍ണമായും തകര്‍ന്നു. ഡ്രൈവറെ അഗ്‌നിശമന സേനയെത്തിയാണ് മോചിപ്പിച്ചത്. പരുക്കേറ്റവരെ  ഓടിയെത്തിയ നാട്ടുകാരും കുടെവന്ന കാറിലുണ്ടായിരുന്നവരും ചേര്‍ന്ന് ആശുപത്രിയിലേക്ക് എത്തിച്ചു.