തിരുവനന്തപുരം: നാഷണല്‍ സീനിയര്‍ സിറ്റിസണ്‍സ് മൂവിന്റെ വയോജന ദിനാചരണം പ്രസ് ക്ലബ്ബിന് സമീപത്തുള്ള മന്നം മെമ്മേറിയല്‍ നാഷണല്‍ ക്ലബ്ബില്‍ വച്ച് നടന്നു. മെഡിക്കല്‍ കോളജ് പ്രിന്‍സിപ്പാള്‍ ഡോ. തോമസ് മാത്യു ദിനാചരണം ഉദ്ഘാടനം ചെയ്ത് 'വയോജനങ്ങളില്‍ കലാസ്വാദനം' എന്ന വിഷയത്തെ ആസ്പദമാക്കി മുഖ്യ പ്രഭാഷണം നടത്തി.
നാഷണല്‍ സീനിയര്‍ സിറ്റിസണ്‍സ് മൂവ്‌മെന്റിന്റെ ചെയര്‍മാന്‍ എം.എ. കരീം അധ്യക്ഷനായി. സെക്രട്ടറി ഇ.എച്ച്. ജോണ്‍സ്, കെ. പ്രഭാകരന്‍നായര്‍, കെ. കൃഷ്ണപിള്ള, ഇ.ജെ. വിജയമ്മ, പി.ജി. ഉണ്ണിത്താന്‍, ആര്‍.ജി.കെ. നായര്‍, ടി. ചെല്ലപ്പന്‍ എന്നിവര്‍ പരിപാടിയില്‍ പങ്കെടുത്തു.