തിരുവനന്തപുരം: സംസ്ഥാനത്തെ ഹയര്‍ സെക്കന്‍ഡറി പരീക്ഷാഫലം പ്രഖ്യാപിച്ചു. വിജയശതമാനം 80.94. 125 കുട്ടികള്‍ക്ക് എല്ലാ വിഷയത്തിനും മുഴുവന്‍മാര്‍ക്കും ലഭിച്ചു. 9870 കുട്ടികള്‍ക്ക് എല്ലാ വിഷയത്തിവും എ പ്ലസ് കിട്ടി. എ പ്ലസ് നേടിയവരില്‍ എഴുപതു ശതമാനവും പെണ്‍കുട്ടികളാണ്. 72 സ്‌കൂളുകളില്‍ നൂറു ശതമാനം വിജയമുണ്ട്. കണ്ണൂരാണ് എറ്റവും കൂടുതല്‍ വിജയശതമാനം നേടിയ ജില്ല-84.86 ശതമാനം. കുറവ് പത്തനംതിട്ട ജില്ലയിലും. പരാജയപ്പെട്ട വിഷയങ്ങള്‍ക്കുള്ള സേ പരീക്ഷ ജൂണ്‍ 2 മുതല്‍ 8 വരെ നടക്കും. ചീഫ്‌സെക്രട്ടറി എസ്.എം. വിജയാനന്ദ് പൊതുവിദ്യാഭ്യാസ അഡീഷനല്‍ ചീഫ്‌സെക്രട്ടറി വി.എസ്. സെന്തിലിന് നല്‍കിയാണ് ഫലപ്രഖ്യാപനം നടത്തിയത്. സംസ്ഥാനത്ത് നാലു ലക്ഷത്തി എഴുപതിനായിരം വിദ്യാര്‍ഥികളാണ് പരീക്ഷ എഴുതിയത്. കഴിഞ്ഞ തവണ ഹയര്‍ സെക്കന്ററി വിഭാഗത്തില്‍ 83.9 ശതമാനവും വിഎച്ച്എസി വിഭാഗത്തില്‍ 91.63 ശതമാനവും ആയിരുന്നു വിജയ ശതമാനം. ഹയര്‍ സെക്കന്‍ഡറി ഫലം www.kerala. gov.in, www.dhsekerala.gov.in, www.keralaresults.nic.in, www.result.itschool.gov.in, www.cdit.org, www.examresults.kerala.gov.in, www.prd.kerala.gov.in, www.results.nic.ink www.educationkerala.gov.in എന്നീ വെബ്‌സൈറ്റുകളിലും വൊക്കേഷണല്‍ ഹയര്‍ സെക്കന്‍ഡറി ഫലം www.result. itschool. gov.in, www.keralaresults.nic.in, vhse.kerala.gov.in സൈറ്റുകളിലൂടെയും അറിയാം