ഇരിട്ടി: മികവിന്റെ അടിസ്ഥാനത്തില്‍ കോളജുകള്‍ക്ക് ഗ്രേഡ് നിശ്ചയിക്കുന്ന യു.ജി.സിയുടെ  നാക് സംഘം ഇരിട്ടി മഹാത്മ കോളജില്‍ പരിശോധന പൂര്‍ത്തിയാക്കി.
അഹമ്മദാബാദ് സര്‍വകലാശയിലെ പ്രൊഫസര്‍ പരാഗ് സംഘാനി, ഔറംഗാബാദ് സര്‍വകലാശാലയിലെ ഡോ.മഹേന്ദ്ര ഡി ഇര്‍ഷാദ്, കുംട്ട അംബേദ്ക്കര്‍ സര്‍വ്വകലാശാലയിലെ പ്രൊഫസര്‍ ഡോ.ഗോപാലകൃഷ്ണ, എസ് ഭട്ട് എന്നിവരടങ്ങിയ സംഘം മൂന്നു ദിവസമായാണ് കോളജിന്റെ നിലവാരം സംബന്ധിച്ച് പരിശോധന നടത്തിയത്. ഇവരുടെ പഠന റിപ്പോര്‍ട്ട് യു.ജി.സിക്ക് സമര്‍പ്പിക്കും.
കോളജില്‍ എത്തിയ സംഘത്തെ പ്രിസിപ്പല്‍ എം.ജെ മാത്യുവിന്റെ നേതൃത്വത്തില്‍ കോളജ് ഭരണസമിതി അംഗങ്ങളും വിദ്യാര്‍ഥികളും രക്ഷിതാക്കളും ചേര്‍ന്ന് സ്വീകരിച്ചു. ഉന്നത വിദ്യാഭ്യാസത്തോടൊപ്പം വിദ്യാര്‍ഥികളില്‍ തൊഴില്‍ നൈപുണ്യം വളര്‍ത്തിക്കൊണ്ടണ്ടു വരുവാനുള്ള സാഹചര്യം സര്‍വശാലകളില്‍ ഉണ്ടണ്ടാകണമെന്ന് സമിതി ചെയര്‍മാന്‍ പറഞ്ഞു. കോളജില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. ആശയ വിനിമയത്തിനുള്ള കഴിവിനൊപ്പം കംപ്യൂട്ടര്‍ ഉള്‍പ്പെടെയുള്ള വിവര സാങ്കേതിക വിദ്യയിലും വിദ്യാര്‍ഥികള്‍ മികച്ച കഴിവ് നേടണമെന്ന് അദ്ദേഹം പറഞ്ഞു.
കോളജ് ഭരണ സമിതി അംഗങ്ങളായ സി.എസ് സെബാസ്റ്റിയന്‍, ബേബി ജോണ്‍ പൈനാപ്പള്ളി, അഡ്വ.കെ.എ ഫിലിപ്പ്, എം.ജെ ജോണ്‍, ഗോപാലന്‍ എന്നിവരും അധ്യാപകരും സ്റ്റാഫ് പ്രതിനിധികളും പങ്കെടുത്തു. പ്രഫ:പ്രമോദ് വെള്ളച്ചാല്‍ സ്വാഗതം പറഞ്ഞു.