വടകര: അഴിയൂര്‍ ചുങ്കം ബാഫഖി റോഡിലെ വ്യാപാരസ്ഥാപനങ്ങളില്‍ വ്യാപക മോഷണം. പണവും മറ്റു സാധനങ്ങളും കവര്‍ന്നു. മനയില്‍ അര്‍ഷാദിന്റെ അറഫ സ്റ്റോര്‍, ബിസ്മില്ല മന്‍സില്‍ അഹ്മദിന്റെ രിഫായി സ്റ്റോര്‍, അര്‍ഷാദിന്റെ റിച്ചൂസ് ഹെയര്‍ സലൂണ്‍, പഞ്ചായത്ത് മെമ്പര്‍ കെ. സുധ നടത്തുന്ന അക്ഷയ സെന്റര്‍, ഹാംകോ എന്‍ജിനിയേഴ്‌സ്, പി.പി സാദിഖിന്റെ ഹൈലൈറ്റ് ബാറ്ററീസ് എന്നീ സ്ഥാപനങ്ങളിലാണ് ഇന്നലെ പുലര്‍ച്ചെ മോഷണം നടന്നത്. എല്ലായിടത്തും പൂട്ടു തകര്‍ത്താണ് മോഷ്ടാക്കള്‍ അകത്തുകയറിയത്. അറഫ സ്റ്റോറില്‍ നിന്ന് സ്റ്റേഷനറി സാധനങ്ങളും നേര്‍ച്ചപ്പെട്ടിയിലേതടക്കം ആയിരം രൂപയോളം നഷ്ടപ്പെട്ടിട്ടുണ്ട. റിച്ചൂസ് ഹെയര്‍ സലൂണില്‍ നിന്ന് 11000 രൂപയുടെ എല്‍.ഇ.ഡി ടിവിയും രിഫായി സ്റ്റോറില്‍ നിന്നു നേര്‍ച്ചപ്പെട്ടിയിലെ തുകയും കവര്‍ന്നു. മറ്റു കടകളില്‍ മോഷ്ടാക്കള്‍ അകത്തുകടന്നെങ്കിലും ഒന്നും നഷ്ടപ്പെട്ടില്ല. ചോമ്പാല പൊലിസ് സ്ഥലത്തെത്തി.