വാണിമേല്‍: പഞ്ചായത്തിലെ വിവിധ വായനശാലകളില്‍ സുപ്രഭാതം പത്രം സമര്‍പ്പിച്ചു. ഗ്രാമപഞ്ചായത്ത് ലൈബ്രറി, ദാറുസ്സലാം എജ്യുക്കേഷനല്‍ ട്രസ്റ്റ് റീഡിങ് റൂം, പരപ്പുപാറ ടാഗോര്‍ വായനശാല എന്നിവിടങ്ങളിലാണ് സുപ്രഭാതം ദിനപത്രം എത്തുന്നത്.
പ്രവാസി വ്യാപാര പ്രമുഖന്‍ മാവുള്ള പറമ്പത്ത് സാദത്ത് പഞ്ചായത്ത് ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാന്‍ അഷ്‌റഫ് കൊറ്റാലക്ക് പത്രം കൈമാറി ഉദ്ഘാടനം ചെയ്തു. പ്രാദേശിക ലേഖകന്‍ കെ.വി.കെ വാണിമേല്‍ അധ്യക്ഷനായി.
വികസന കാര്യ സ്റ്റാന്റിങ് കമ്മിറ്റി ചെയര്‍മാന്‍ എം.കെ മജീദ്, സിദ്ദീഖ് വെള്ളിയോട്, റഷീദ് കോടിയൂറ, ടി.കെ അസ്‌ലം മാസ്റ്റര്‍, ഒ. മുനീര്‍ സംസാരിച്ചു. സുപ്രഭാതം മണ്ഡലം കോഡിനേറ്റര്‍ വി.വി അലി മാസ്റ്റര്‍ സ്വാഗതവും കെ.എന്‍ ജഅ്ഫര്‍ ദാരിമി നന്ദിയും പറഞ്ഞു.