കടമേരി: ആയഞ്ചേരി ഗ്രാമപഞ്ചായത്ത് രണ്ടാം വാര്‍ഡ് അഞ്ചുകണ്ടത്തില്‍, പിതാവിന്റെ സ്മരണയ്ക്കായി അങ്കണവാടിക്കു സ്ഥലം നല്‍കി യുവാവ് മാതൃകയായി. പിരിയാളി പോക്കര്‍ ഹാജിയുടെ ഓര്‍മക്കായാണു മകന്‍ റഫീഖ് മൂന്ന് സെന്റ് സ്ഥലം വിലകൊടുത്തു വാങ്ങി സൗജന്യമായി പഞ്ചായത്തിനു നല്‍കിയത്.
ഇവിടെ കെട്ടിടം പണിയാനായി പഞ്ചായത്ത് ഏഴുലക്ഷം രൂപ ഫണ്ട് അനുവദിച്ചിരുന്നു. അങ്കണവാടിയുടെ ശിലാസ്ഥാപനം വൈസ് പ്രസിഡന്റ് പി.എം ഷിജിത്ത് മാസ്റ്ററും റഫീഖിന്റെ സഹോദരന്‍ അസീസും ചേര്‍ന്നു നിര്‍വഹിച്ചു. സ്റ്റാന്റിങ് കമ്മിറ്റി ചെയര്‍മാന്‍ നൊച്ചാട്ട് കുഞ്ഞബ്ദുല്ല അധ്യക്ഷനായി.