നരിക്കുനി: നരിക്കുനി പെയിന്‍ ആന്റ് പാലിയേറ്റീവിന് കീഴില്‍ പാറന്നൂരില്‍ പ്രവര്‍ത്തിക്കുന്ന സാന്ത്വന കേന്ദ്രമായ അത്താണി ഡെസ്റ്റിറ്റൂട്ട് ഹോമിന് വേണ്ടി സലഫി ചാരിറ്റബിള്‍ ട്രസ്റ്റ് നിര്‍മിച്ച് നല്‍കിയ കെട്ടിടത്തിന്റെ ഉദ്ഘാടനം പത്തിനു നടക്കും.
ഡയാലിസിസ് സെന്റര്‍,സ്പീച്ച്  തെറാപ്പി, സൈക്യാട്രി ഡേ കെയര്‍ തുടങ്ങിയവയാണ് ഈ കെട്ടിടത്തില്‍ ആരംഭിക്കുന്നത്. ഉച്ചക്ക് 12.30ന് നടക്കുന്ന ചടങ്ങില്‍ തദ്ദേശ സ്വയം ഭരണ വകുപ്പ് മന്ത്രി ഡോ. കെ.ടി ജലീല്‍ ഉദ്ഘാടനം നിര്‍വഹിക്കും. കാരാട്ട് റസാഖ് എം.എല്‍.എ അധ്യക്ഷത വഹിക്കും. അഡ്വ. പി.ടി.എ റഹീം എം.എല്‍. എ, ഡോ. ഹുസൈന്‍ മടവൂര്‍ സംബന്ധിക്കും. പത്രസമ്മേളനത്തില്‍ വി.പി അബ്ദുല്‍ ഖാദര്‍, പി കെ സുലൈമാന്‍, ടി മുഹമ്മദലി പങ്കെടുത്തു.