കുന്ദമംഗലം: സുന്നി യുവജന സംഘം സംസ്ഥാന കമ്മിറ്റി ആചരിക്കുന്ന ത്രൈമാസ കാംപയിന്റെ ഭാഗമായി കുന്ദമംഗലം മണ്ഡലം എസ്.വൈ.എസ് സംഘടിപ്പിക്കുന്ന ഭീകര വിരുദ്ധ സെമിനാര്‍ ഇന്ന്.
വൈകിട്ട് 3.30ന് പൂവാട്ടുപറമ്പ് വി.പി ഓഡിറ്റോറിയത്തില്‍ നടക്കുന്ന പരിപാടി സമസ്ത കേരള ജംഇയ്യത്തുല്‍ ഉലമ ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. റഹ്മത്തുല്ലാഹ് ഖാസിമി മൂത്തേടംഅധ്യക്ഷനാകും.
എസ്.വൈ.എസ് സംസ്ഥാന സെക്രട്ടറി നാസര്‍ ഫൈസി കൂടത്തായി പ്രമേയപ്രഭാഷണം നടത്തും. മുസ്‌ലിം യൂത്ത് ലീഗ് മുന്‍ ജില്ലാപ്രസിഡന്റ് നജീബ് കാന്തപുരം, ഡി.സി.സി ജന. സെക്രട്ടറി ദിനേശ് പെരുമണ്ണ, ഡി.വൈ.എഫ്.ഐ ജില്ലാ ട്രഷറര്‍ വസീഫ് കൊടിയത്തൂര്‍ പ്രസംഗിക്കും.
എസ്.വൈ.എസ് ജില്ലാ വൈസ് പ്രസിഡന്റ് അബൂബക്കര്‍ ഫൈസി മലയമ്മ മോഡറേറ്ററാകും. കുറ്റിക്കാട്ടൂരില്‍ നടന്ന യോഗത്തില്‍ കെ.എം കോയ അധ്യക്ഷനായി.
ജന. സെക്രട്ടറി കെ.എം.എ റഹ്മാന്‍,  സെക്രട്ടറി ടി.പി സുബൈര്‍ മാസ്റ്റര്‍, മുളയത്ത് മുഹമ്മദ് ഹാജി, ഖാലിദ് മാസ്റ്റര്‍ കുറ്റിക്കാട്ടൂര്‍ സംസാരിച്ചു.