പുന്നയൂര്‍ക്കുളം: നാലാപ്പാടനും സി.രാധാകൃഷ്ണനും മലയാളി മനസില്‍ മതനിരപേക്ഷ ചിന്തകളും ജനാധിപത്യബോധവും സൃഷ്ടിച്ച എഴുത്തുകാരെന്ന് വിദ്യാഭ്യാസ മന്ത്രി സി.രവീന്ദ്രനാഥ് അഭിപ്രായപ്പെട്ടു. നാലാപ്പാടന്‍ സ്മാരക സാംസ്‌കാരിക സമിതി പുന്നയൂര്‍ക്കുളം കുന്നത്തൂരില്‍ സംഘടിപ്പിച്ച 129-ാമത് നാലാപ്പാടന്‍ ജന്മദിനാഘോഷത്തില്‍ നാലാപ്പാട്ട് നാരായണമേനോന്‍ സ്മാരക പുരസ്‌കാരം എഴുത്തുകാരന്‍ സി.രാധാകൃഷ്ണന്‍ നല്‍കി സംസാരിക്കുകയായിരുന്നു മന്ത്രി. കെ.അബ്ദുല്‍ ഖാദര്‍ എം.എല്‍.എ അധ്യക്ഷനായി. പുന്നയൂര്‍ക്കുളം പഞ്ചായത്ത് പ്രസിഡന്റ് എ.ഡി ധനീപ്, വട്ടപറമ്പില്‍ ഗോപിനാഥന്‍പിള്ള, സുലോചന നാലാപ്പാട്ട്, കെ.വി ധര്‍മ്മന്‍, മുഹമ്മദുണ്ണി, അശോകന്‍ നാലാപാട്ട് എന്നിവര്‍ സംസാരിച്ചു.