തലപ്പുഴ: മാതൃകാ സേവനവുമായി എന്‍ജിനീയറിങ് കോളജ് വിദ്യാര്‍ഥികള്‍. കോളജിന് മുന്‍പില്‍ സീബ്രാലൈന്‍ വരച്ചാണ് കുട്ടികള്‍ പുതിയ മാതൃക തീര്‍ത്തത്. ഏറെനാളായി കോളജിന് മുന്‍പില്‍ സീബ്രാലൈന്‍ വരക്കണമെന്ന വിദ്യാര്‍ഥികളുടെ ആവശ്യം അധികൃതര്‍ മുഖവിലക്കെടുക്കാതായതോടെയാണ് കുട്ടികള്‍ തന്നെ മുന്നിട്ടിറങ്ങി ലൈന്‍ വരച്ചത്. പി.ഡബ്ല്യു.ഡി ടെന്‍ഡര്‍ നല്‍കി നടപ്പാക്കുമ്പോഴേക്കും ഏറെ കാലതാമസമെടുക്കുമെന്ന് മനസിലാക്കിയ വിദ്യാര്‍ഥികള്‍ പൊതുമരാമത്ത് വകുപ്പില്‍ നിന്നും അനുമതി വാങ്ങിയാണ് സീബ്രാലൈന്‍ വരച്ചത്. തലപ്പുഴ പൊലിസിന്റെ സഹകരണത്തോടെയാണ് പരിപാട് നടന്നത്. കോളജിലെ യു.ഡി.എസ്.എഫ് ചെയര്‍മാന്‍ കെ.എം ഫവാസ്, സഹീല്‍, നിഷാം, മുഹമ്മദ് അലി, റാഷിദ് എന്നിവര്‍ നേതൃത്വം നല്‍കി.