കല്‍പ്പറ്റ: പ്രതിപക്ഷ നേതാവ് രമേശ് ചെന്നിത്തല ഇന്ന് വയനാട്ടിലെ വിവിധ പരിപാടികളില്‍ പങ്കെടുക്കും. രാവിലെ 10ന് ലക്കിടിയിലെത്തുന്ന പ്രതിപക്ഷനേതാവിനെ ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ കല്‍പ്പറ്റ കോണ്‍ഗ്രസ് ഓഫിസിലേക്ക് സ്വീകരിച്ചാനയിക്കും. തുടര്‍ന്ന് 11ന് കെ.കെ.എന്‍.ടി.സി ജില്ലാ സമ്മേളനത്തിന്റെ ഭാഗമായി നടക്കുന്ന കെ ഈനാശു അനുസ്മരണ സമ്മേളനം  ഉദ്ഘാടനം ചെയ്യും. ഉച്ചക്ക് 1.30ന് മുള്ളന്‍കൊല്ലി സര്‍വിസ് സഹകരണബാങ്കിന്റെ കെട്ടിട ഉദ്ഘാടനം പാടിച്ചിറയില്‍ ചെന്നിത്തല നിര്‍വഹിക്കും. 2.30ന് പുല്‍പ്പള്ളി പ്രാഥമികാരോഗ്യ കേന്ദ്രത്തിന്റെ പുതിയ ആശുപത്രി കെട്ടിടത്തിന്റെ ശിലാസ്ഥാപനം നിര്‍വഹിക്കും. മൂന്നിന് പുല്‍പ്പള്ളിയില്‍ നടന്നുവരുന്ന ക്ഷീരകര്‍ഷക കോണ്‍ഗ്രസ് സംസ്ഥാന ക്യാംപിന്റെ സമാപനസമ്മേളനം ഉദ്ഘാടനം ചെയ്യും.
3.30ന് പുല്‍പ്പള്ളി മരാമത്ത് സഹകരണ സംഘത്തിന്റെ ഉദ്ഘാടനം രമേശ് ചെന്നിത്തല നിര്‍വഹിക്കും. നാലിന് നടവയല്‍ ടൗണ്‍ കോണ്‍ഗ്രസ് കമ്മിറ്റിയുടെ ഓഫിസ് കെട്ടിടത്തിന്റെ ഉദ്ഘാടനം നിര്‍വഹിക്കുന്ന ചെന്നിത്തല അഞ്ചിന് മീനങ്ങാടി യാക്കോബായ സുറിയാനി സഭയുടെ കീഴിലുള്ള സണ്ടേ സ്‌കൂള്‍ പ്രസ്ഥാനത്തിന്റെ ആഭിമുഖ്യത്തില്‍ മീനങ്ങാടിയില്‍ നടക്കുന്ന വിദ്യാര്‍ത്ഥി അധ്യാപക വൈദീക സംഗമം ഉദ്ഘാടനം ചെയ്യും.