മാനന്തവാടി: വര്‍ഷങ്ങളായി മാനന്തവാടി നഗരത്തിലെ സാമുഹിക സാംസ്‌ക്കാരിക കാരുണ്യ പ്രവര്‍ത്തനങ്ങളില്‍ സജീവ സാന്നിധ്യമായ ഓട്ടോ െ്രെഡവര്‍മാരുടെ കുട്ടായ്മയായ ഓട്ടോ ബ്രദേഴ്‌സ് സ്വാശ്രയ സംഘത്തിന്റെ ശുചീകരണ പ്രവര്‍ത്തനങ്ങള്‍ ശ്രദ്ധേയമായി.
നഗരത്തിലെ ഏറ്റവും തിരക്കേറിയ കോഴിക്കോട് റോഡരികിലെ കാടുകള്‍ വെട്ടിമാറ്റിയും പരസ്യബോര്‍ഡുകള്‍ നീക്കം ചെയ്തും ഗതാഗതം സൗകര്യപ്രദമാക്കി. നഗരത്തിലെ മറ്റ് ഭാഗങ്ങളിലും ശുചീകരണ പ്രവര്‍ത്തനങ്ങള്‍ നടത്തി. പ്രവര്‍ത്തികളുടെ ഉദ്ഘാടനം നഗരസഭ ചെയര്‍മാന്‍ വി.ആര്‍ പ്രവീജ് നിര്‍വഹിച്ചു.
സംഘം പ്രസിഡന്റ് പി.യു സന്തോഷ് കുമാര്‍ അധ്യക്ഷനായി. നഗരസഭ കൗണ്‍സിലര്‍ ശോഭാരാജന്‍, പി.ആര്‍ ദേവദാസ് സംസാരിച്ചു.
എം.പി ശശികുമാര്‍, സി.പി മുഹമ്മദലി, പി രാകേഷ്, സൂരജ് കുമാര്‍, കെ.ജെ റോയ്, പി.കെ മനോജ്, ടി.കെ മുഹമ്മദാലി എന്നിവര്‍ നേതൃത്വം നല്‍കി.