ബത്തേരി: നാട്ടുകാരെ വിറപ്പിച്ച കടുവ ഒടുവില്‍ കെണിയില്‍ കുടുങ്ങി. കുപ്പാടി ഒന്നാം മൈലില്‍ ആര്‍മാട് പ്രദേശത്ത് രണ്ടാഴ്ചക്കാലമായി ഭീതിപരത്തിയ കടുവയാണ് വനപാലകര്‍ സ്ഥാപിച്ച കൂട്ടില്‍ കുടുങ്ങിയത്.

ശനിയാഴ്ച പുലര്‍ച്ചെ പള്ളിക്കാമഠത്തില്‍ ജോയിച്ചന്റെ ആടിനെ കടുവ കടിച്ചുകൊന്നിരുന്നു. ബഹളം കേട്ട് ഓടിവന്ന വീട്ടുകാര്‍ കടുവയെ കാണുകയും ചെയ്തു. തുടര്‍ന്ന് വനപാലകരെ വിവരമറിയിച്ചതിനെത്തുടര്‍ന്ന് കടുവയെ പിടികൂടാനായി കൂട് സ്ഥാപിക്കുകയായിരുന്നു.