കൊച്ചി: കേരള ബ്ലാസ്റ്റേഴ്‌സിന് വിജയം ഇനിയും അകലെ. ജയം എന്നു മന്ത്രിച്ച് ഇറങ്ങിയ കേരളത്തെ ഇത്തവണയും വിജയം അനുഗ്രഹിച്ചില്ല. ഡല്‍ഹി ഡൈനാമോസും കേരള ബ്ലാസ്‌റ്റേഴ്‌സും തമ്മിലുള്ള മല്‍സരത്തില്‍ ബ്ലാസ്‌റ്റേഴ്‌സ് ഗോള്‍രഹിത സമനിലയില്‍. സമനിലയിലൂടെ ഒരു പോയിന്റ് നേടി ബ്ലാസ്‌റ്റേഴ്‌സ് പോയിന്റ് പട്ടികയില്‍ ഏഴാം സ്ഥാനത്തെത്തി.

ആദ്യ രണ്ടു മല്‍സരത്തിലും പരാജയം ഏറ്റുവാങ്ങിയ ബ്ലാസ്റ്റേഴ്‌സ് വിജയം ലക്ഷ്യമാക്കിയാണ് ഇറങ്ങിയത്. എന്നാല്‍, മല്‍സരത്തില്‍ ഇരു ടീമുകള്‍ക്കും ഗോളുകളൊന്നും നേടാന്‍ കഴിഞ്ഞില്ല. നിരവധി അവസരങ്ങള്‍ ഇരു ടീമുകള്‍ക്കും മുമ്പില്‍ വന്നെങ്കിലും അവയൊന്നും ഗോളുകളാക്കാന്‍ കഴിഞ്ഞില്ല.

കേരളത്തിന്റെ അടുത്ത മല്‍സരം വെള്ളിയാഴ്ചയാണ്. മുംബൈ സിറ്റി എഫ്.സിയാണ് എതിരാളികള്‍.