തൊടുപുഴ: അനധികൃത നിലം നികത്തലിന് മണ്ണുമായി പോയ ടിപ്പര്‍ ലോറി തൊടുപുഴ താലൂക്ക് ഓഫിസിലെ സ്‌പെഷ്യല്‍ സ്‌ക്വാഡ് പിടിച്ചു.
കുമാരമംഗലം വില്ലേജിലെ ഒലിയിരിപ്പില്‍നിന്നാണ് കെ.എല്‍-36-ബി-3656 നമ്പര്‍ ലോറി സ്‌ക്വാഡ് ലീഡര്‍ ഡെപ്യുട്ടി തഹസില്‍ദാര്‍ എം.സി ശശികുമാറിന്റെ നേതൃത്വത്തില്‍ കസ്റ്റഡിയിലെടുത്തത്.
അനന്തരനടപടികള്‍ക്കായി വാഹനം തൊടുപുഴ പൊലിസിന് കൈമാറി. അനധികൃത വയല്‍ നികത്തല്‍, നിര്‍മാണങ്ങള്‍ എന്നിവയ്‌ക്കെതിരെ കര്‍ശന നടപടിയുണ്ടാകുമെന്നു തൊടുപുഴ തഹസില്‍ദാര്‍ അറിയിച്ചു.