മൂവാറ്റുപുഴ: എറണാകുളം ജില്ലയില്‍ ഹയര്‍ സെക്കന്‍ഡറി അധ്യാപകരുടെയും പെന്‍ഷന്‍കാരുടെയും നേതൃത്വത്തില്‍ മൂവാറ്റുപുഴ കേന്ദ്രമാക്കി പ്രവര്‍ത്തനം ആരംഭിക്കുന്ന എറണാകുളം ജില്ലാ ഹയര്‍ സെക്കന്‍ഡറി സ്‌കൂള്‍ ടീച്ചേഴ്‌സ് വെല്‍ഫെയര്‍ സൊസൈറ്റിയുടെ ഉദ്ഘാടനം എല്‍ദോ എബ്രഹാം എം.എല്‍.എ നിര്‍വഹിച്ചു. മൂവാറ്റുപുഴ സി.എച്ച് മഹല്‍ ബില്‍ഡിംഗില്‍ ആരംഭിച്ച സംഘത്തിന്റെ ഓഫീസ് ഉദ്ഘാടനം നഗരസഭാ ചെയര്‍പേഴ്‌സണ്‍ ഉഷ ശശീധരന്‍ നിര്‍വ്വഹിച്ചു.
ഗാന്ധിജയന്തി വാരാഘോഷത്തോടനുബന്ധിച്ച് നടന്ന പരിപാടിയില്‍ കെ.എം അബ്ദുല്‍ മജീദ് ഗാന്ദി അനുസ്മരണ പ്രഭാഷണം നടത്തി. നിക്ഷേപ സമാഹരണത്തിന്റെ ഉദ്ഘാടനം മുന്‍എംഎല്‍എ ജോസഫ് വാഴയ്ക്കന്‍ നിര്‍വ്വഹിച്ചു.
ജില്ലാ സഹകരണ ബാങ്ക് പ്രസിഡന്റ് എന്‍.പി.പൗലോസ് മുഖ്യാഥിതിയായിരുന്നു. സഹകരണ വകുപ്പ് ജോയിന്റ് ഡയറക്ടര്‍ എം.എസ്.ലൈല മുഖ്യപ്രഭാഷണം നടത്തി.
ലോഗോ പ്രകാശനം ജില്ലാ പഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഡോളി കുര്യാക്കോസ് നിര്‍വ്വഹിച്ചു. അംഗത്വ വിതരണം നഗരസഭാ ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ എം.എ.സഹീര്‍ നിര്‍വഹിച്ചു.
പെന്‍ഷനേഴ്‌സ് അംഗത്വ വിതരണം കെ.ടി അബ്ദുല്‍ ലത്തീഫ് നിര്‍വഹിച്ചു. ഉമാമത്ത് സലീം, കെ.എ.അബ്ദുല്‍സലാം, ഷൈല അബ്ദുള്ള, സി.എം.ഷുക്കൂര്‍, എ.അബൂബക്കര്‍, എം.എം.സീതി, ഒ.ഷൗക്കത്തലി, സി.പി.ഉത്തമന്‍നായര്‍, എം.ശങ്കര്‍, നാസര്‍ മുണ്‍ാട്ട്, സാബു തോമസ്, എന്‍.ആര്‍.അമ്മിണി, കെ.എം ശിവരാമന്‍, ഡോ. ഷാജി പോള്‍ എന്നിവര്‍ പ്രസംഗിച്ചു. സംഘം പ്രസിഡന്റ് എസ്.സന്തോഷ്‌കുമാര്‍ സ്വാഗതവും ഡയറക്ടര്‍ ബോര്‍ഡ് മെമ്പര്‍ എം.പി.ജാന്‍സി നന്ദിയും പറഞ്ഞു.