പൂച്ചാക്കല്‍:കളഞ്ഞു കിട്ടിയ പണം ഉടമക്ക് നല്‍കി എട്ടാം ക്ലാസ്സുകാരന്‍ .തേവര്‍വട്ടം ഗവ.ഹൈസ്‌കൂളിലെ എട്ടാം ക്‌ളാസ് വിദ്യാര്‍ത്ഥിയായ തൈക്കാട്ടുശ്ശേരി ആഞ്ഞിലിക്കാട്ട് വെളിയില്‍ ഉത്തമന്റെ മകന്‍ ശ്രീജിത്ത് ആണ് കളഞ്ഞുകിട്ടിയ 9800 രൂപ ഉടമക്ക് നല്‍കി മാതൃകയായത്.
വൈക്കം കെ.എസ്. ബി.ഇ യിലെ ജീവനക്കാരനായ തൈക്കാട്ടുശ്ശേരി കൊച്ചുവെളിയില്‍ രാജേഷിന്റെ കയ്യില്‍ നിന്നാണ് പണം നഷ്ടമായത്.കഴിഞ്ഞ ദിവസം സ്‌കൂളില്‍ നിന്നും വീട്ടിലേക്ക് മടങ്ങിയ ശ്രീജിത്തിന് വെറുംങ്ങോട്ട റോഡില്‍ നിന്നുമാണ് പണം കിട്ടിയത്.
തുടര്‍ന്ന് ശ്രീജിത്ത് സമീപത്തെ വീട്ടില്‍ പണം ഏല്‍പ്പിക്കുകയായിരുന്നു.വീട്ടുകാര്‍ പണം എണ്ണിത്തിട്ടപ്പെടുത്തിയ ശേഷം ഉടമക്ക് വേണ്ടി തിരച്ചില്‍ നടത്തി കണ്ടെത്തുകയായിരുന്നു.തുടര്‍ന്നാണ് ഇന്നലെ ശ്രീജിത്ത് പൂച്ചാക്കല്‍ പോലീസിന്റെ സാന്നിധ്യത്തില്‍ ഉടമക്ക് പണം കൈമാറിയത്.