കരുനാഗപ്പള്ളി: കര്‍ഷക പെന്‍ഷന്‍ കുടിശിക തീര്‍ത്ത് വിതരണം ചെയ്യണമെന്ന് കര്‍ഷക കോണ്‍ഗ്രസ് നിയോജകമണ്ഡലം കമ്മിറ്റി ആവശ്യപ്പെട്ടു. മിക്ക ക്ഷേമപെന്‍ഷനുകളും ഓണത്തിന് മുമ്പ് വിതരണം ചെയ്തപ്പോള്‍ രാജ്യത്തിന്റെ ഭക്ഷ്യോല്‍പാദനത്തിന് കഠിനാധ്വാനം ചെയ്ത കര്‍ഷകരുടെ പെന്‍ഷന്‍ മാത്രം നല്‍കാത്ത സര്‍ക്കാര്‍ നടപടിയില്‍ നിയോജകമണ്ഡലം കമ്മിറ്റി പ്രതിഷേധിച്ചു. കര്‍ഷക കോണ്‍ഗ്രസ് ജില്ലാ ജന:സെക്രട്ടറി മുനമ്പത്ത് ഷിഹാബ് യോഗം ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് എന്‍.സുഭാഷ് ബോസ് അധ്യക്ഷനായി. മാരാരിത്തോട്ടം ജനാര്‍ദ്ദനന്‍പിള്ള, തട്ടാരേത്ത് രവി, കുന്നേല്‍ രാജേന്ദ്രന്‍, കുട്ടപ്പന്‍പിള്ള, കുറ്റിയില്‍ ഇബ്രാഹിംകുട്ടി, പി.എസ്.രവീന്ദ്രന്‍, സലീംകുമാര്‍, നെബുകുമാര്‍ എന്നിവര്‍ പ്രസംഗിച്ചു.