കഴക്കൂട്ടം: അഞ്ചാം ക്ലാസു മുതല്‍ ശാസ്ത്രീയ സംഗീതം അഭ്യസിക്കുന്ന അഖില്‍ഷായുടെ ആഗ്രഹമായിരുന്നു ഒരു സംഗീതക്കച്ചേരി അവതരിപ്പിക്കുക എന്നത്.
ആറു മാസം മുമ്പ് സംഗീതത്തിന്റെ അരങ്ങേറ്റം നടത്തിയ പള്ളിപ്പുറം തോന്നല്‍ ദേവീ ക്ഷേത്രത്തിലെ നവരാത്രി സംഗീത വേദിയില്‍ തന്നെ അതിന് അവസരം ലഭിച്ചത് ഇരട്ടി സന്തോഷമായി. ഗുരുനാഥന്‍ വര്‍ക്കല സി.എസ് ശാന്താറാം കൂടിയിരുന്ന സദസിനു മുന്നിലാണ് അഖില്‍ഷാ ആദ്യ കച്ചേരി അവതരിപ്പിച്ച് പ്രശംസ നേടിയത്.
സംഗീത കച്ചേരിക്ക് നിഖില്‍ എസ് കാര്‍ത്തികേയന്‍ വയലിനും, പരവൂര്‍ സുനില്‍ മൃദംഗവും വായിച്ചു. നന്ദു പിന്തുണയേകി. പള്ളിത്തുറ ഹയര്‍ സെക്കന്ററി സ്‌കൂളിലെ പ്ലസ് ടു വിദ്യാര്‍ഥിയായ അഖില്‍ഷാ കഴക്കൂട്ടത്തെ പ്രദേശിക പത്ര പ്രവര്‍ത്തകനായ അന്‍സാറിന്റെയും സ്‌കൂള്‍ അധ്യാപികയായ സജീനയുടെയും മകനാണ് . ആദില്‍, അഫ്‌ലഖ് എന്നിവര്‍ സഹോദരങ്ങളാണ്.