മഞ്ചേരി: ഗുണ്ടാ സംഘത്തിലെ പ്രധാന പ്രതി മഞ്ചേരിയില്‍ പിടിയില്‍. മഞ്ചേരി തടത്തിപറമ്പ് സ്വദേശി പൊട്ടമ്മല്‍ ഷഹബാസ്(20)ണ് പൊലിസ് പിടിയിലായത്. കഴിഞ്ഞ മെയ് നാലിന് മഞ്ചേരി കാരാപറമ്പ് സ്വദേശി കരുത്തൊടിക റഷാദിനെ ബൈക്ക് തടഞ്ഞ് ആക്രമിച്ച കേസിലാണ് പ്രതിയെ അറസ്റ്റ് ചെയ്തത്. സംഭവത്തിനു ശേഷം ഒളിവിലായിരുന്ന പ്രതി മഞ്ചേരി സിനിമ തിയേറ്ററിലെത്തിയത് അറിഞ്ഞു സാഹസികമായി പിടികൂടുകയായിരുന്നു. കൂട്ടുപ്രതി മുസ്തഫാ കമാല്‍ വിദേശത്തേക്ക് കടന്നതായാണ് വിവരം. പിടിയിലായ പ്രതിയുടെ പേരില്‍ മഞ്ചേരി പൊലിസ് സ്റ്റേഷനില്‍ അഞ്ച് ക്രിമിനല്‍ കേസുകളുണ്ട്. മഞ്ചേരി സി.ഐ കെ.ബിജുവിന്റെ നേതൃതത്തില്‍ എസ്.ഐ കൈലാസ്‌നാഥും സംഘവുമാണ് പ്രതിയെ പിടികൂടിയത്. പൊലിസ് ഓഫീസര്‍മാരായ പി.സഞ്ജീവ്, ഉണ്ണികൃഷ്ണന്‍ എന്നിവരും സംഘത്തില്‍ ഉണ്ടായിരുന്നു.

ഫോട്ടോ...