തിരൂര്‍: ബോയ്‌സ് ഹൈസ്‌കൂള്‍ പരിസരത്ത് നിന്ന് കഞ്ചാവ് പൊതികളുമായി മധ്യവയസ്‌കന്‍ പിടിയില്‍. കൂത്തുപറമ്പ് ഞാറക്കാടന്‍ അബ്ദുല്‍വാഹിദിനെ(58) യാണ് തിരൂര്‍ പൊലിസ് അറസ്റ്റ് ചെയ്തത്. വില്‍പ്പനക്കായി ചെറിയ പൊതികളിലാക്കിയാണ് ഇയാള്‍ കഞ്ചാവ് സൂക്ഷിച്ചിരുന്നത്. വിദ്യാര്‍ഥികള്‍ക്കിടയിലായിരുന്നു പ്രധാനവില്‍പ്പനയെന്ന് പൊലിസ് പറഞ്ഞു. അബ്ദുല്‍വാഹിദിനെ പൊലിസ് കോടതിയില്‍ ഹാജരാക്കി.