തിരുവനന്തപുരം: പ്രധാനമന്ത്രി നരേന്ദ്ര മോദിയുടേതു രക്തംപുരണ്ട രാഷ്ട്രീയ ജീവിതമെന്ന് ആഭ്യന്തര മന്ത്രി രമേശ് ചെന്നിത്തല. അധികാരമുണ്ടെങ്കിലും ബി.ജെ.പിയും ആര്‍.എസ്.എസും ഭയക്കുന്നതു നെഹ്‌റു കുടുംബത്തെയാണെന്നും അദ്ദേഹം ഫേസ്ബുക്ക് പോസ്റ്റില്‍ പറഞ്ഞു. മോദിക്കും അമിത്ഷാക്കും സോണിയാഗാന്ധിയെ വിമര്‍ശിക്കാന്‍ അവകാശമില്ല. കൈവെള്ളയില്‍വന്ന പ്രധാനമന്ത്രിസ്ഥാനം ത്യജിച്ച നേതാവാണ് സോണിയഗാന്ധി. എന്നാല്‍ മുഖ്യമന്ത്രിയാകാനും പ്രധാനമന്ത്രിയാകാനും സ്വന്തം ഗുരുതുല്യരെപ്പോലും വെട്ടിനിരത്തിയ ചരിത്രമാണ് മോദിയുടേതെന്നും അദ്ദേഹം പറഞ്ഞു.