ഫറോക്ക് : ആതുര സേവനം വിശ്വാസത്തിന്റെ ഭാഗമാണെന്ന് എസ്.കെ.എസ്.എസ്.എഫ് കോഴിക്കോട് ജില്ലാ പ്രസിഡന്റ് സയ്യിദ് മുബശിര്‍ ജമലുല്ലൈലി തങ്ങള്‍. ഫറോക്ക് മേഖലയിലെ മുക്കോണം ശാഖയില്‍ ആരംഭിച്ച സഹചാരി സെന്റര്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഫറോക്ക് മേഖല പ്രസിഡന്റ് മുബശിര്‍ അസ്‌ലമി കളളിക്കൂടം പ്രമേയ പ്രഭാഷണം നടത്തി. ശറഫുദ്ദീന്‍ ബദരി അധ്യക്ഷം വഹിച്ചു. യൂത്ത് കോണ്‍ഗ്രസ് സംസ്ഥാന സെക്രട്ടറി ആദം മുല്‍സി, വിഖായ സ്റ്റേറ്റ് ജനറല്‍ കണ്‍വീനര്‍ സലാം ഫറോക്ക്, എസ്.വൈ.എസ് ഫറോക്ക് മുനിസിപ്പല്‍ പ്രസിഡന്റ് കെ.സി റാസിഖ് യമാനി, ഫറോക്ക് മേഖല സെക്രട്ടറി ഷഫീഖ് മഠത്തില്‍പ്പാടം, അബ്ദുസലാം മുസ്‌ലിയാര്‍, ഫറോക്ക് ക്ലസ്റ്റര്‍ സെക്രട്ടറി അര്‍ഷാദ് പുറ്റെക്കാട്, കൗണ്‍സിലര്‍ മൊയ്തീന്‍കോയ, എന്‍.വി ബീരാന്‍കോയ, ജലീല്‍ ഹുദവി, എന്‍.വി.നവാസ് സംസാരിച്ചു.