ഉരുവച്ചാല്‍: മത്സരയോട്ടം നടത്തിയ ബസ്സുകള്‍ തമ്മില്‍ ഇടിച്ചു. ബസ് യാത്രക്കാരന്റെ കണ്ണിന് പരുക്ക്. ഇന്ന് രാവിലെ ഉരുവച്ചാല്‍ ടൗണിലാണ് സംഭവം. ബസ് യാത്രക്കാരന്‍ പാനുരിലെ വ്യാപാരി തില്ലങ്കേരി സ്വദേശി മഷ്ഹൂദി(42) നെ ആശുപത്രിയില്‍ പ്രവേശിപ്പിച്ചു. മട്ടന്നൂരില്‍ നിന്നും തലശ്ശേരിയിലേക്ക് പോവുന്ന ബസ് ഉരുവച്ചാലില്‍ നിര്‍ത്തിയാത്രക്കാരെ കയറ്റ വെ മത്സരിച്ച് പിറകെ എത്തിയ ബസ് മറികടക്കാനുള്ള ശ്രമത്തില്‍ ഇടിക്കുകയായിരുന്നു. അപകടത്തില്‍ ബസ്സിന്റെ ചില്ല്തകര്‍ന്ന് യാത്രക്കാരന്റെ കണ്ണില്‍ തെറിക്കുകയായിരുന്നു. അപകടത്തെ തുടര്‍ന്ന് ബസ് ജീവനക്കാരും നാട്ടുകാരും വാക്കേറ്റം നടന്നു. മട്ടന്നൂര്‍ പൊലിസ് സ്ഥലത്ത് എത്തി ബസ്സുകള്‍ കസ്റ്റഡിയില്‍ എടുത്തു.