ജിദ്ദ: തായിഫില്‍ വാഹനമിടിച്ച് മലപ്പുറം സ്വദേശിയായ യുവാവ് മരിച്ചു. മലപ്പുറം പൊന്നാനി മാറഞ്ചേരി സ്വദേശി ഷമീര്‍ (32)ആണ് മരിച്ചത്. മക്ക സെയില്‍ റോഡില്‍ ഫുലാന്‍ പെട്രോള്‍ ബാങ്കിന് സമീപത്ത് റോഡിന്റെ വശത്ത് കൂടി നടന്ന് പോകുമ്പോള്‍ വാഹനമിടിക്കൂകയായിരുന്നു.

കഴിഞ്ഞ ദിവസമാണ് സംഭവം. ഷമീര്‍ സംഭവസ്ഥലത്ത് വെച്ചുതന്നെ മരിച്ചു. ഇടിയുടെ ആഘാതത്തില്‍ വാഹനത്തിന്റെ ഡ്രൈവറും മരണപ്പെട്ടു. മൃതദേഹം തായിഫ് കിംഗ് ഫൈസല്‍ ആശുപത്രീ മോര്‍ച്ചറിയില്‍ സൂക്ഷിച്ചിരിക്കുകയാണ്.

നാല് വര്‍ഷമായി തായിഫില്‍ ചെയ്യുകയായിരുന്ന ഷമീര്‍ നാട്ടില്‍ അവധിക്ക് പോയി വിവാഹം കഴിഞ്ഞ് തിരിച്ച് വന്നിട്ട് നാലു മാസമായിട്ടുള്ളൂ.