കല്‍പ്പറ്റ: മാനവിക സന്ദേശങ്ങളുയര്‍ത്തിയ നവോത്ഥാന നായകരുടെ ചിന്താധാരകള്‍  പ്രചരിപ്പുക്കുന്നതിന് ഗ്രന്ഥശാലാ പ്രവര്‍ത്തകര്‍ നേതൃത്വം നല്‍കണമെന്ന് സി.കെ.ശശീന്ദ്രന്‍ എം.എല്‍.എ അഭിപ്രായപ്പെട്ടു.  വൈത്തിരി താലൂക്ക് ലൈബ്രറി കൗണ്‍സില്‍ കല്‍പ്പറ്റയില്‍ സംഘടിപ്പിച്ച താലൂക്ക് ലൈബ്രറി സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
തുടര്‍ന്ന് ശ്രീനാരായണ ഗുരുവും വര്‍ത്തമാനകാല കേരളവും എന്ന വിഷയത്തില്‍ ഡയറ്റ് ഫാക്കല്‍ട്ടി മെമ്പര്‍ പി.കെ റജി മുഖ്യപ്രഭാഷണം നടത്തി. ജില്ലാ ലൈബ്രറി കൗണ്‍സിസില്‍ പ്രസിഡന്റ് ടി.ബി സുരേഷ് ചര്‍ച്ചയില്‍ പങ്കെടുത്തു. തുടര്‍ന്ന് നടന്ന പ്രവര്‍ത്തക ശില്‍പശാല ജില്ലാ ലൈബ്രറി കൗണ്‍സില്‍ സെക്രട്ടറി എം. ബാലഗോപാലന്‍ ഉദ്ഘാടനം ചെയ്തു. പി.കെ ബാബുരാജ് സ്വാഗതം പറഞ്ഞു. താലൂക്ക് ലൈബ്രറി കൗണ്‍സില്‍ പ്രസിഡന്റ് കെ.എന്‍ ഗോപിനാഥന്‍ അധ്യക്ഷനായി. ഇതോടനുബന്ധിച്ച് നടന്ന പഞ്ചായത്ത്തല ലൈബ്രറി നേതൃസമിതി യോഗങ്ങള്‍ക്ക് കണ്‍വീനര്‍മാര്‍ നേതൃത്വം നല്‍കി.