വെള്ളറട: അവധിദിനം മറയാക്കി നടത്തിയ പാടശേഖരം നികത്താനുള്ള ശ്രമം പൊലിസ് തടഞ്ഞു.
വെള്ളറട കളത്തറ പാടശേഖരമാണ് കഴിഞ്ഞദിവസം മണ്ണിട്ടുമൂടാന്‍ ശ്രമിച്ചത്. നാട്ടുകാര്‍ അറിയിച്ചതനുസരിച്ച് വെള്ളറട എസ്.ഐ അജീഷിന്റെ നേതൃത്വത്തിലുള്ള സംഘം എത്തുന്നതിനുമുമ്പ് നികത്താനെത്തിയവര്‍ ടിപ്പറുമായി കടന്നു.
ഒരിടവേളക്ക് ശേഷം മേഖലയില്‍ മണ്ണുമാഫിയ പിടിമുറുക്കിയിട്ടുണ്ട്. കുന്നിന്‍പ്രദേശത്തുനിന്ന് മണ്ണിടിച്ച് ടിപ്പറില്‍ കയറ്റിക്കൊണ്ടു വന്ന് പാടം നികത്തുന്നത് പതിവായിട്ടുണ്ട്.