വെള്ളറട: സി.പി.എം-ബി.ജെ.പി സംഘര്‍ഷത്തെ തുടര്‍ന്ന് വെള്ളറടയില്‍ പൊലിസ് നിരോധനാജ്ഞ പ്രഖ്യാപിച്ചു. അനിഷ്ട സംഭവങ്ങള്‍ ഒഴിവാക്കാന്‍ ഡിവൈ.എസ്.പി സുല്‍ഫിക്കര്‍, സി.ഐ അനില്‍കുമാര്‍, വെള്ളറട എസ്.ഐ അജീഷ് എന്നിവരുടെനേതൃത്വത്തില്‍ വന്‍ പൊലിസ് സംഘത്തെ മേഖലയില്‍ വിന്യസിച്ചിട്ടുണ്ട്.
അതേ സമയം പൊലിസ് ഉത്തരവ് കാറ്റില്‍പ്പറത്തി സി.പി.എമ്മും ബി.ജെ.പിയും നാളെ പ്രതിഷേധ പ്രകടനം നടത്താന്‍ നീക്കം തുടങ്ങി.ഇത് തടയുന്നതിന് റൂറല്‍ എസ്.പി ഷെഫീന്‍ അഹമ്മദ് കലക്ടറുടെ 144 പ്രഖ്യാപനത്തിന് ശ്രമം തുടങ്ങിയിട്ടുണ്ട്. ഇത് സംബന്ധിച്ച് കലക്ടറുടെ ഉത്തരവ് ഇന്നുണ്ടായേക്കും.