മുഹമ്മ: പാന്തേഴം പ്രകൃതി സാംസ്‌ക്കാരിക സമിതിയുടെ ഗ്രന്ഥശാല ഉദ്ഘാടനം നടന്നു. ഭക്ഷ്യമന്ത്രി പി തിലോത്തമന്‍ ഉദ്ഘാടനം നിര്‍വഹിച്ചു. ഭക്ഷ്യവകുപ്പുമായി ബന്ധപ്പെട്ട ആവശ്യത്തിനായി ബാംഗ്ലൂരിലായതിനാല്‍ ഫോണ്‍ സന്ദേശം വഴിയാണ് മന്ത്രി ഉദ്ഘാടനം നിര്‍വഹിച്ചത്. കഞ്ഞിക്കുഴി പഞ്ചായത്ത് പ്രസിഡന്റ് എം ജി രാജു അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് ദലീമ ജോജോ മുഖ്യാതിഥിയായിരുന്നു. ലൈബ്രറി കൗണ്‍സില്‍ താലൂക്ക് പ്രസിഡന്റ് കെ പി നന്ദകുമാര്‍ പുസ്തകം ഏറ്റുവാങ്ങി. ചെണ്ടമേള കലാകാരന്‍ മുഹമ്മ മുരളി ആശാനെ ചടങ്ങില്‍ ആദരിച്ചു. വിദ്വാന്‍ കെ രാമകൃഷ്ണന്‍, എസ് രാധാകൃഷ്ണന്‍, അഡ്വ.എന്‍ ബാലചന്ദ്രന്‍, ജെ ജയലാല്‍, സുമി ഷിബു, ജമീല പുരുഷോത്തമന്‍, എം ജി തിലകന്‍,വി പ്രസന്നന്‍, ലക്ഷ്മിക്കുട്ടി, ജോളി അജിതന്‍, ടി േപ്രംനാഥ്, പി എസ് ലാലിമോന്‍ തുടങ്ങിയവര്‍ സംസാരിച്ചു.