കാക്കനാട്: സുന്നി യുവജന സംഘം എസ്.വൈ.എസ് കാക്കനാട് ചിറ്റേത്തുകര മേഖല കമ്മിറ്റിയുടെ ആഭിമുഖ്യത്തില്‍ ദുആ സമ്മേളനവും കണ്‍വന്‍ഷനും നടത്തി. കെ.എം അബ്ദുള്‍ സലാം ഹാജി അധ്യക്ഷത വഹിച്ചു. എസ്.വൈ.എസ് ജില്ലാ വൈസ് പ്രസിഡന്റ് കെ.എം അബ്ദുറഹ്മാന്‍ ഉദ്ഘാടനം ചെയ്തു. ഖുര്‍ആന്‍ സ്റ്റഡി സെന്റര്‍ ജില്ലാ പ്രസിഡന്റ് എം.എം അബൂബക്കര്‍ ഫൈസി മുഖ്യപ്രഭാഷണം നടത്തി.
ടി.കെ ശംസുഹാജി, കെ.കെ അലി കൊല്ലംകുടിമുകള്‍, ടി.കെ ജമാല്‍, കെ.പി നാസര്‍, കെ.എ സുലൈമാന്‍, ഷംസീര്‍, ഫക്രുദ്ദീന്‍ കണ്ണൂര്‍, കെ.എം ബാവക്കുട്ടി എന്നിവര്‍ സംസാരിച്ചു. ഭീകര പ്രവര്‍ത്തനം നടത്തുന്ന ഐ.എസിനെതിരെ ശക്തമായ പ്രതിഷേധം രേഖപ്പെടുത്തി. അവരെ ഒറ്റപ്പെടുത്താനും ആഹ്വാനം ചെയ്തു. ഏക സിവില്‍കോഡ് കൊണ്ടുവരാനുള്ള കേന്ദ്ര സര്‍ക്കാരിന്റെ നീക്കത്തില്‍ യോഗം ശക്തമായി അപലപിച്ചു.