തിരുവനന്തപുരം: എ.ഐ.വൈ.എഫ് സംസ്ഥാന പ്രസിഡന്റായി ആര്‍.സജിലാലിനെയും സെക്രട്ടറിയായി മഹേഷ് കക്കത്തിനെയും തിരുവനന്തപുരത്തു ചേര്‍ന്ന സംസ്ഥാന സമ്മേളനം തെരഞ്ഞെടുത്തു. സജിലാല്‍ എ.ഐ.എസ്.എഫ് സംസ്ഥാന പ്രസിഡന്റ്, എ.ഐ.വൈ.എഫ് കൊല്ലം ജില്ലാ സെക്രട്ടറി എന്നീ നിലകളില്‍ പ്രവര്‍ത്തിച്ചിട്ടുണ്ട്. ഇപ്പോള്‍ സി.പി.ഐ കൊല്ലം ജില്ലാ എക്‌സിക്യുട്ടീവ് അംഗവുമാണ്. എ.ഐ.എസ്.എഫ് സംസ്ഥാന സെക്രട്ടറിയായും എ.ഐ.വൈ.എഫ് കണ്ണൂര്‍ ജില്ലാ സെക്രട്ടറിയായും മഹേഷ് കക്കത്ത് പ്രവര്‍ത്തിച്ചിട്ടുണ്ട്. ഇപ്പോള്‍ സി.പി.ഐ കണ്ണൂര്‍ ജില്ലാ കൗണ്‍സില്‍ അംഗവുമാണ്. ടി.ടി ജിസ്‌മോന്‍ - ആലപ്പുഴ, കെ.പി സന്ദീപ് - തൃശൂര്‍, പ്രിന്‍സ് മാത്യു - ഇടുക്കി, ആശ സി.കെ എം.എല്‍.എ - കോട്ടയം, അനിതരാജ് - കാസര്‍കോട് എന്നിവരെ വൈസ് പ്രസിഡന്റുമാരായും അഡ്വ.പി.ഗവാസ് - കോഴിക്കോട്, പി.എസ്.എം ഹുസൈന്‍ -ആലപ്പുഴ, അരുണ്‍ കെ.എസ് - തിരുവനന്തപുരം, ടി.പ്രദീപ് കുമാര്‍ - തൃശൂര്‍, എന്‍.അരുണ്‍ - എറണാകുളം എന്നിവരെ ജോയിന്റ് സെക്രട്ടറിമാരായും തെരഞ്ഞെടുത്തു.
അഡ്വ.വി.സുരേഷ്ബാബു, അഡ്വ.എം.എസ് നിഷാദ്, ബിനു ഐസക്, കെ.കെ സമദ്, പി.ടി ഷറഫുദ്ദീന്‍, ഒ.കെ സെയ്തലവി, വി.പ്രദീപ്, ആര്‍.ജയന്‍, സി.പി പ്രദീപ്, എ.എസ് ആനന്ദകുമാര്‍, വി. വിനില്‍, ശുഭേഷ് സുധാകര്‍ എന്നിവരടങ്ങുന്ന എക്‌സിക്യുട്ടീവ് കമ്മിറ്റി ഉള്‍പ്പെടെ 75 അംഗ സംസ്ഥാന കമ്മിറ്റിയെയും സമ്മേളനം തിരഞ്ഞെടുത്തു.