ആലുവ: ആലുവയിലെ എല്‍.ഡി.എഫ് സ്ഥാനാര്‍ഥി അഡ്വ.വി സലീമിന്റെ ചൊവ്വാഴ്ചത്തെ പര്യടനം ശ്രീമൂലനഗരം, കാഞ്ഞൂര്‍ പഞ്ചായത്തുകളിലായി നടന്നു. രാവിലെ ശ്രീമൂലനഗരത്തെ പര്യടനം സി.കെ സലീംകുമാര്‍ ഉദ്ഘാടനം ചെയ്തു. വെളളായികുടത്ത് നിന്നാരംഭിച്ച പര്യടനം 13 സ്ഥലങ്ങളിലെ സ്വീകരണങ്ങള്‍ ഏറ്റുവാങ്ങി 11.30ന് ഷാപ്പുപടി ജംഗ്ഷനില്‍ അവസാനിച്ചു. ഉച്ചയ്ക്കു ശേഷം കാഞ്ഞൂര്‍ പഞ്ചായത്തിലെ പര്യടനം ചിറമട്ടത്ത് നിന്നാരംഭിച്ച് 13 സ്ഥലങ്ങളിലെ സ്വീകരണവും ഏറ്റുവാങ്ങി വല്ലംകടവില്‍ അവസാനിച്ചു. കൂടാതെ പ്ലസ് ടു പരീക്ഷയില്‍ ഉന്നത വിജയം കൂടിയ വിദ്യാര്‍ഥികളെ അഡ്വ.വി.സലീം അനുമോദിച്ചു. സ്ഥാനാര്‍ഥിയുടെ കൂടെ എന്‍.സി ഉഷാകുമാരി, ടി.കെ സന്തോഷ്, ടി.ഐ ശശി, ടി.ഐകണ്ണപ്പന്‍, ടി.വി രാജന്‍, ഒ.എന്‍ ബാബു, ഷീജാറെജി, ഹാജഹാ നാസര്‍, സി.കെ സലീംകുമാര്‍, പി തമ്പാന്‍, കെ.പി ബിനോയ്, എം.ജി ഗോപിനാഥ് എന്നിവരുണ്ടായിരുന്നു.