മുവാറ്റുപുഴ: മുവാറ്റുപുഴ നിയോജക മണ്ഡലം എല്‍.ഡി.എഫ് സ്ഥാനാര്‍ഥി എല്‍ദോ എബ്രഹാമിന്റെ തെരഞ്ഞെടുപ്പ് പ്രചരണാര്‍ത്ഥം ആയവനയില്‍ എല്‍.ഡി.എഫ് റാലിയും പൊതുസമ്മേളനവും നടന്നു. അഞ്ചല്‍പെട്ടിയില്‍ നിന്നാരംഭിച്ച റാലി ആയവന പള്ളിത്താഴത്ത് സമാപിച്ചു. തുടര്‍ന്ന് നടന്ന പൊതുസമ്മേളനം അഡ്വ.ജോയ്‌സ് ജോര്‍ജ് എം.പി ഉദ്ഘാടനം ചെയ്തു. ജോളി പൊട്ടയ്ക്കല്‍ അധ്യക്ഷത വഹിച്ചു. കെ.ടി രാജന്‍, വി.കെ.വിജയന്‍, സി.കെ.സോമന്‍, ഷൈസണ്‍.പി.മാങ്ങഴ, ബേബി പൂനാട്ട് എന്നിവര്‍ പ്രസംഗിച്ചു. എല്‍.ഡി.എഫ് മുവാറ്റുപുഴ മുനിസിപ്പല്‍ സൗത്ത് ലോക്കല്‍ റാലിയും പൊതുസമ്മേളനവും നടത്തി. നഗരസഭ ഓഫീസിന് മുന്നില്‍ നിന്നും ആരംഭിച്ച റാലി നഗരം ചുറ്റി ആരക്കുഴ കവലയില്‍ സമാപിച്ചു. തുടര്‍ന്ന് നടന്ന പൊതുസമ്മേളനം സി.പി.ഐ ഇടുക്കി ജില്ലാ സെക്രട്ടറി കെ.കെ ശിവരാമന്‍ ഉദ്ഘാടനം ചെയ്തു. യു.ആര്‍ ബാബു അധ്യക്ഷനായി. എല്‍.ഡി.എഫ് മുളവൂര്‍ ലോക്കല്‍ കമ്മിറ്റി റാലിയും പൊതുസമ്മേളനവും സംഘടിപ്പിച്ചു. മുളവൂര്‍ പള്ളിപ്പടിയില്‍ നിന്നും ആരംഭിച്ച റാലി ഹെല്‍ത്ത് ജംഗ്ഷനില്‍ സമാപിച്ചു. തുടര്‍ന്ന് നടന്ന പൊതുസമ്മേളനം സി.പി.എം ജില്ലാ സെക്രട്ടറിയേറ്റ് അംഗം പി.ആര്‍ മുരളീധരന്‍ ഉദ്ഘാടനം ചെയ്തു. യു.പി വര്‍ക്കി അധ്യക്ഷത വഹിച്ചു. കെ.കെ അഷറഫ്, എന്‍ അരുണ്‍, എം.ആര്‍ പ്രഭാകരന്‍, എം.വി സുഭാഷ്, സീന ബോസ് എന്നിവര്‍ പ്രസംഗിച്ചു. മാറാടി പഞ്ചായത്തിലെ കായനാട് മരോട്ടിച്ചോട്ടില്‍ നടന്ന എല്‍.ഡി.എഫ് പൊതുയോഗം മുണ്‍ക്കയം സദാശിവന്‍ ഉദ്ഘാടനം ചെയ്തു. പഞ്ചായത്ത് പ്രസ്ഡന്റ് ലതാ ശിവന്‍ അധ്യക്ഷത വഹിച്ചു.