വിക്രം സാരാഭായ് സ്‌പേസ് സെന്ററില്‍ ഗ്രാജ്വേറ്റ് അപ്രന്റിസ് പരിശീലനത്തിന് അപേക്ഷ ക്ഷണിച്ചു. ആകെ 109 ഒഴിവുകളാണുള്ളത്. ഒരു വര്‍ഷത്തെ പരിശീലനമാണ്. എയറോനോട്ടിക്കല്‍, എയറോസ്‌പേസ് എന്‍ജിനിയറിങ് (06), കെമിക്കല്‍ (05), സിവില്‍ (04), കംപ്യൂട്ടര്‍ സയന്‍സ് (12), ഇലക്ട്രിക്കല്‍ (04), ഇലക്ട്രോണിക്‌സ് (30), മെക്കാനിക്കല്‍ (29), മെറ്റലര്‍ജി (04), പ്രൊഡക്ഷന്‍ ആന്‍ഡ് എന്‍ജിനിയറിങ് (05), ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് (10) എന്നിങ്ങനെയാണ് ഒഴിവുകള്‍.
ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് ഒഴികെയുള്ള തസ്തികകള്‍ക്കു ബന്ധപ്പെട്ട ബ്രാഞ്ചില്‍ ഒന്നാം ക്ലാസോടെ ബി.ടെക് അല്ലെങ്കില്‍ ബി.ഇയാണ് യോഗ്യത. ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് ഒഴിവിലേക്ക് അപേക്ഷിക്കുന്നവര്‍ക്ക് ഒന്നാം ക്ലാസോടെ ലൈബ്രറി സയന്‍സ് ബിരുദമാണ് യോഗ്യത.
2014 ഏപ്രിലിന് ശേഷം ബിരുദം നേടിയവര്‍ക്കാണ് അവസരം. മാസം 5,000 രൂപ സ്‌റ്റൈപന്‍ഡ് ലഭിക്കും. കൊല്ലം യൂനുസ് കോളജ് ഓഫ് എന്‍ജിനിയറിങ് ആന്‍ഡ് ടെക്‌നോളജിയിലാണ് വാക്ഇന്‍ ഇന്റര്‍വ്യൂ നടക്കുക. മെക്കാനിക്കല്‍, സിവില്‍, കെമിക്കല്‍, എയറോനോട്ടിക്കല്‍, എയറോസ്‌പേസ് ആന്‍ഡ് പ്രൊഡക്ഷന്‍ എന്‍ജിനിയറിങ് വിഭാഗത്തിലേക്ക് 22നു ശനിയാഴ്ച രാവിലെ ഒന്‍പതു മുതല്‍ ഉച്ചയ്ക്കു മൂന്നുവരെ വാക്ഇന്‍ ഇന്റര്‍വ്യൂ നടക്കും. ഇലക്ട്രിക്കല്‍, ഇലക്ട്രോണിക്‌സ്, കംപ്യൂട്ടര്‍ സയന്‍സ്, എന്‍ജിനിയറിങ്, മെറ്റലര്‍ജിക്കല്‍ ആന്‍ഡ് ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് വിഭാഗത്തില്‍ നവംബര്‍ അഞ്ചിനാണ് വാക്ഇന്‍ ഇന്റര്‍വ്യൂ.
താല്‍പര്യമുള്ളവര്‍ ംംം.റെരലിേൃല.ീൃഴ എന്ന വെബ്‌സൈറ്റ് വഴി രജിസ്റ്റര്‍ ചെയ്യണം.