ബംബോലിം: ബ്രിക്‌സ് അണ്ടര്‍ 17 ഫുട്‌ബോള്‍ ടൂര്‍ണമെന്റിലെ ഇന്ത്യയുടെ ദയനീയ പ്രകടനം തുടരുന്നു. തുടര്‍ച്ചയായ മൂന്നാം മത്സരത്തിലും പരാജയപ്പെട്ട് ഇന്ത്യ അവസാന സ്ഥാനത്താണ്. മൂന്നാം മത്സരത്തില്‍ ചൈനയാണ് ഇന്ത്യയെ വീഴ്ത്തിയത്. മറുപടിയില്ലാത്ത ഒറ്റ ഗോളിനായിരുന്നു ചൈനയുടെ വിജയം. സ്വന്തം മണ്ണില്‍ കളിക്കുന്നതിന്റെ ആനുകൂല്യം മുതലാക്കാന്‍ കഴിയാതെ പാടുപെടുന്ന ആതിഥേയ ടീം കളിയുടെ ഇഞ്ച്വറി ടൈമിലാണ് ഗോള്‍ വഴങ്ങിയത്.  
നേരത്തെ ആദ്യ മത്സരത്തില്‍ റഷ്യയോടും രണ്ടാം മത്സരത്തില്‍ ദക്ഷിണാഫ്രിക്കയോടും ഇന്ത്യ 1-0ത്തിനു പരാജയപ്പെട്ടിരുന്നു.