കോഴിക്കോട്: നമ്മുടെ സമൂഹത്തിന് സാംസ്‌കാരിക മറവിരോഗം ബാധിച്ചതായും ഇത്തരം രോഗത്തിനെതിരായ പ്രതിരോധമാണ് സാംസ്‌കാരിക കൂട്ടായ്മകളെന്നും നിയമസഭാ സ്പീക്കര്‍ പി. ശ്രീരാമകൃഷണന്‍. വടകര വി.ടി കുമാരന്‍ ഫൗണ്ടേഷന്‍ ഏര്‍പ്പെടുത്തിയ വൈജ്ഞാനിക സാഹിത്യത്തിനുള്ള വി.ടി കുമാരന്‍ പുരസ്‌കാരം എം. ജയരാജിന് സമ്മാനിച്ച് സംസാരിക്കുകയായിരുന്നു അദ്ദേഹം. മലയാള സാഹിത്യം വേണ്ടത്ര പരിഗണിക്കാതെ പോയ കവിയാണ് വി.ടി കുമാരന്‍ മാസ്റ്ററെന്നും സ്പീക്കര്‍ പറഞ്ഞു.
 കെ.പി കേശവമേനോന്‍ ഹാളില്‍ സംഘടിപ്പിച്ച ചടങ്ങില്‍ വി.ടി മുരളി അധ്യക്ഷനായി. വി.ടി കുമാരന്‍ വെബ്‌പേജ് എം.പി വീരേന്ദ്രകുമാര്‍ പ്രകാശനം ചെയ്തു. അവാര്‍ഡിന് അര്‍ഹമായ 'മലയാള അച്ചടി മാധ്യമം: ഭൂതവും വര്‍ത്തമാനവും' കൃതി ടി. രാജന്‍ പരിചയപ്പെടുത്തി. രാജേന്ദ്രന്‍ എടത്തുംകര വി.ടി കുമാരന്‍ അനുസ്മരണ പ്രഭാഷണം നടത്തി. സി.പി അബൂബക്കര്‍, ഒ.പി സുരേഷ്, കെ.പി സുധീര, അനില്‍ മങ്കട സംസാരിച്ചു. എം. ജയരാജ് മറുപടി പ്രസംഗം നടത്തി. വേണു കക്കട്ടില്‍ സ്വാഗതം പറഞ്ഞു.