എടവണ്ണ: പഞ്ചായത്തിലെ പൊന്നാംകുന്ന് കുടിവെള്ള പദ്ധതിയുടെ പ്രവൃത്തി ഉദ്ഘാടനം പി.കെ ബഷീര്‍ എം.എല്‍.എ നിര്‍വഹിച്ചു. 20 ലക്ഷം രൂപ ചെലവിട്ടാണ് പൊന്നാംകുന്ന് പ്രദേശത്ത് പദ്ധതി പൂര്‍ത്തിയാക്കുന്നത്. പദ്ധതി പ്രവൃത്തി തീരുന്നതോടെ എഴുപതോളം കുടുംബങ്ങള്‍ക്ക് കുടിവെള്ളം തടസമില്ലാതെ ലഭ്യമാകും. അടുത്ത വര്‍ഷം ജനുവരി 31നു മുന്‍പ് പദ്ധതി കമ്മീഷന്‍ ചെയ്യാന്‍ കഴിയുമെന്നാണ് പ്രതീക്ഷിക്കുന്നത്.
എടവണ്ണ പഞ്ചായത്ത് പ്രസിഡന്റ് റസിയ ബഷീര്‍ അധ്യക്ഷയായി. വാര്‍ഡ്  മെമ്പര്‍ എം.കെ ഹഫ്‌സത്ത്, വാട്ടര്‍ അതോറിറ്റി അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ സുന്ദരന്‍, ബ്ലോക്ക് പഞ്ചായത്ത് അംഗം സി.പി ശ്രീധരന്‍, പി. സക്കീര്‍ ഹുസൈന്‍ സംബന്ധിച്ചു.