വേങ്ങര: ഭാഷാപഠനത്തിലൂടെ വിവിധ സംസ്‌കാരങ്ങളെ തിരിച്ചറിയാനും സാഹിത്യ ബോധനത്തിലൂടെ സംസ്‌കൃതി ഉയര്‍ത്താനും സാധിക്കുമെന്ന് എം.പി അബ്ദുസമദ് സമദാനി. വേങ്ങര ഉപജില്ലാ ഹിന്ദി അധ്യാപക മഞ്ച് സംഘടിപ്പിച്ച സാഹിത്യോത്സവ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എ.കെ മുഹമ്മദ് കുട്ടി അധ്യക്ഷനായി.
സി.പി മറിയുമ്മ, എ.ഇ.ഒ സി.പി വിശാല, എ. പ്രേംഭാസ്, പി.പി കുഞ്ഞാലി, എ ഹരീഷ്, വാഹിദ് വളാഞ്ചേരി, എ. അലിസത്താര്‍, കെ.ടി അബ്ദുല്‍ മജീദ്, പി. ഇസ്മായീല്‍, കെ ഗീത സംസാരിച്ചു. ഹൈസ്‌കൂള്‍ വിഭാഗം ഐ.യു.എച്ച്.എസ്.എസ് പറപ്പൂര്‍, അല്‍ഫുര്‍ഖാന്‍ എച്ച്.എസ്.എസ്. ചെണ്ടപ്പുറായ, പി.കെ.എം.എച്ച്.എസ്.എസ് എടരിക്കോടും യു.പി വിഭാഗത്തില്‍ എ.കെ.എച്ച്.എം.യു.പി സ്‌കൂള്‍ ചാത്രത്തൊടി, ജി.യു.പി.എസ് ക്ലാരി, എ.യു.എസ് പറപ്പൂര്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടി.