എടവണ്ണപ്പാറ : കാറും ലോറിയും കൂട്ടിയിടിച്ചു ലോറി മറിയുകയും പിന്‍ചക്രം തെറിക്കുകയും ചെയ്തു. ഇന്നലെ ഉച്ചക്ക് എടവണ്ണപ്പാറക്ക് സമീപം പള്ളിപ്പടിയിലാണ് അപകടം സംഭവിച്ചത്. നെല്ലിക്കാപറമ്പ് സ്വദേശികള്‍ സഞ്ചരിച്ച കാറാണ് കല്ലു കയറ്റി പോവുകയായിരുന്ന ലോറിയുമായി ഇടിച്ചത്.
ഇടിയെ തുടര്‍ന്ന് ലോറി മറിയുകയും ലോറിയുടെ പിന്നിലെ ഇരുവീലുകളും ഊരിത്തെറിക്കുകയും ഹൗസിംഗ് ട്യൂബ് പൊട്ടിത്തെറിക്കുകയും ചെയ്തു. ലോറിയില്‍ നിന്നും റോഡിലേക്കു വീണ കല്ലുകള്‍ മണ്ണുമാന്തി യന്ത്രം ഉപയോഗിച്ച് മറ്റൊരു ലോറിയിലാക്കി നീക്കി. നിസാര പരുക്കുകള്‍ പറ്റിയ കാറിലെ നാലുയാത്രക്കാരെയും കോഴിക്കോട്ടെ സ്വകാര്യ ആശുപത്രിയില്‍ പ്രവേശിച്ചു. വാഴക്കാട് പൊലിസും നാട്ടുകാരും രക്ഷാപ്രവര്‍ത്തനത്തിന് നേതൃത്വം നല്‍കി