നിലമ്പൂര്‍: അകമ്പാടം ആനപ്പാറയില്‍ കിണറ്റില്‍വീണ യുവതിയെ നാട്ടുകാരും ഫയര്‍ഫോഴ്‌സും ചേര്‍ന്ന് രക്ഷപ്പെടുത്തി. ചെരള വീട്ടില്‍ ഷിബുവിന്റെ ഭാര്യ സൂര്യ (28)യാണ് ഇന്നലെ വൈകിട്ട് 7.50ഓടെ 30 അടിയോളം താഴ്ചയുള്ള കിണറ്റില്‍ അബദ്ധത്തില്‍ വീണത്.ഉടന്‍ നാട്ടുകാരായ മൂന്നുപേര്‍ കിണറ്റിലിറങ്ങി. ലീഡിങ് ഫയര്‍മാന്‍ യൂസഫലി, ഫയര്‍മാന്‍മാരായ രമേശ്, റനീഷ്, രാഗിന്‍കുമാര്‍, എസ്ബിമാരായ ശ്രീജേഷ്, നിഷാദ്, ഹോംഗാര്‍ഡുമാരയ ചാക്കോ രവീന്ദ്രന്‍ എന്നിവരുടെ നേതൃത്വത്തില്‍ ഫയര്‍ഫോഴ്‌സും സ്ഥലത്തെത്തി ഇവരെ രക്ഷപ്പെടുത്തുകയായിരുന്നു. കൈക്ക് നിസാര പരുക്കേറ്റ സൂര്യയ്ക്ക് നിലമ്പൂര്‍ ജില്ലാ ആശുപത്രിയില്‍ ചികിത്സ നല്‍കി.