പഴയങ്ങാടി: തീവ്രതയും തീവ്ര ആശയങ്ങളും ഇസ്‌ലാമിക വിരുദ്ധമാണെന്നു കേരള വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ്ഷദലിശിഹാബ് തങ്ങള്‍. പുതിയങ്ങാടി മൊട്ടാമ്പ്രത്തു മാടായി മേഖല എസ്.കെ.എസ്.എസ്.എഫ് സംഘടിപ്പിച്ച ഫാസിസവിരുദ്ധ റാലിയുടെ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഒരുമതവും തീവ്രവാദത്തെ പ്രോത്സാഹിപ്പിക്കില്ലെന്നും പ്രത്യേകിച്ച് ഇസ്‌ലാമില്‍ നിര്‍ബന്ധിത മത പരിവര്‍ത്തനം പോലും ഖുര്‍ആന്‍ വിലക്കിയതാണെന്നും അദ്ദേഹം പറഞ്ഞു.
എസ്.ഇ ജലീല്‍ അധ്യക്ഷനായി. ജാബിര്‍ഹുദവി, അബ്ദുല്‍ ഹക്കീംഫൈസി, എന്‍.കെ അബ്ദുല്ലഹാജി, ബിലാല്‍ മുസ്തഫ മുട്ടം, എം.വി നജീബ്, സിദ്ധിഖ്, ഇഖ്ബാല്‍മുട്ടില്‍, അഷ്‌കര്‍പള്ളിച്ചാല്‍, ബി.സി നിയാസ്, കെ.വി മുസമ്മില്‍, റഹീം പുതിയങ്ങാടി, ഇര്‍ഫാന്‍ മാട്ടൂല്‍ എന്നിവര്‍ സംസാരിച്ചു. എ.കെ അബ്ദുല്‍ബാഖി, അബ്ദുള്‍ ഹമീദ് ഫൈസി എന്നിവര്‍ പ്രഭാഷണം നടത്തി.