ഈരാറ്റുപേട്ട: മുസ്‌ലിം ഗേള്‍സ് ഹയര്‍ സെക്കണ്ടറി സ്‌കൂളിലെ സാഫ് ഡയറി ക്ലബ്ബിനു വേണ്ടി കേരള ക്ഷീര വികസന വകുപ്പ് വാഗമണ്ണിലെ വിവിധ ഡയറി ഫാമുകളിലേക്ക് പഠനയാത്ര സംഘടിപ്പിച്ചു. മുപ്പത് വിദ്യാര്‍ഥികളും അധ്യാപകരും ക്ഷീരവികസന വകുപ്പ് ഉദ്യോഗസ്ഥരും യാത്രയില്‍ പങ്കെടുത്തു. കാലി വളര്‍ത്തലും പാലിന്റെയും പാല്‍ ഉല്‍പ്പന്നങ്ങളുടെയും ഉദ്പാദനവും വിപണ രീതികളും വിദ്യാര്‍ഥികള്‍ക്ക് മനസ്സിലാക്കാന്‍ കഴിഞ്ഞു.
അത്യന്താധുനിക രീതിയില്‍ കന്നുകാലികളെ പരിപാലിച്ച്, സംഗീതം കേള്‍പ്പിച്ച് കൊണ്ട് മെഷിന്‍ ഉപയോഗിച്ച് ഒരേ സമയത്ത് ധാരാളം കന്നുകാലികളില്‍ നിന്ന് പാല്‍ ശേഖരിക്കുന്ന രീതി കുട്ടികള്‍ക്ക് ഏറെ കൗതുകം പകര്‍ന്നു.
ഡയറി ഫാം ഇന്‍സ്‌പെക്ടര്‍ ഷിഹാബുദ്ദീന്‍, ബോണി സി. ജോയി, എം.എഫ് അബ്ദുല്‍ ഖാദര്‍, മുഹമ്മദ് ലൈസല്‍, അന്‍ഷില്‍ ജബ്ബാര്‍, ഫാത്തിമ റഹീം എന്നിവര്‍ യാത്രയ്ക്ക് നേതൃത്വം നല്‍കി.