മുട്ടം: സെന്‍ട്രല്‍ കേരള സഹോദയ കോംപ്ലക്‌സ് സിബിഎസ്ഇ സ്‌കൂള്‍ കലോത്സവം മുട്ടം ഷന്താള്‍ ജ്യോതി പബ്ലിക് സ്‌കൂളില്‍ 17, 20, 26, 27, 28 തീയതികളില്‍ നടത്തും. എറണാകുളം, ഇടുക്കി, കോട്ടയം, തൃശൂര്‍ ജില്ലകളിലെ 104 ഓളം സിബിഎസ്ഇ സ്‌കൂളുകള്‍ ചേര്‍ന്നതാണ് സെന്‍ട്രല്‍ കേരള സഹോദയ കോംപ്ലക്‌സ്.
5000 ല്‍ അധികം കുട്ടികള്‍ നാലുവിഭാഗങ്ങളിലായി 140 ഓളം മത്സരയിനങ്ങളില്‍ പങ്കെടുക്കും. കലോത്സവത്തിന്റെ ഉദ്ഘാടനം 20 നു ജോയിസ് ജോര്‍ജ് എംപി നിര്‍വഹിക്കും. പന്തല്‍ നാട്ട് കര്‍മം ഷന്താള്‍ ജ്യോതി പബ്ലിക് സ്‌കൂളില്‍ സെന്‍ട്രല്‍ കേരള സഹോദയ കോംപ്ലക്‌സ് പ്രസിഡന്റ് ഫാ. സിജന്‍ ഊന്നുകല്ലേല്‍ നിര്‍വഹിച്ചു. സികെഎസ്സി വൈസ് പ്രസിഡന്റ് തോമസ് ജെ. കാപ്പന്‍, സെക്രട്ടറി ബോബി ജോസഫ്, ജോയിന്റ് സെക്രട്ടറി ഫാ. ആന്റണി പുത്തന്‍കുളം, ട്രഷറര്‍ സിസ്റ്റര്‍ ലിസ എസ്എബിഎസ് പ്രോഗ്രാം കോ-ഓര്‍ഡിനേറ്റര്‍മാരായ എ.എസ്. മനോജ്, ടെസി ആന്റണി എന്നിവര്‍ പ്രസംഗിച്ചു. കണ്‍വീനര്‍മാരായ ജോസഫ് ജോണ്‍ സ്വാഗതവും ഷൈജു ഈപ്പന്‍ നന്ദിയും പറഞ്ഞു.