കൊപ്പം: കരിങ്ങനാട് കുണ്ട് മുഹയിസ്സുന്ന മദ്‌റസ കമ്മിറ്റി സംഘടിപ്പിക്കുന്ന സ്വലാത്ത് വാര്‍ഷികവും മതപ്രഭാഷണവും ഇന്നു മുതല്‍ മൂന്നു ദിവസങ്ങളിലായി വൈകിട്ട് ഏഴിന് കരിങ്ങനാട്കുണ്ടില്‍ നടക്കും. ഇന്ന് മദ്‌റസ പ്രസിഡന്റ് കമ്മുക്കുട്ടി ഹാജി എടത്തോള്‍ അധ്യക്ഷനാകും. പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. 'നാം നിരീക്ഷണത്തിലാണു' എന്ന വിഷയത്തില്‍ അന്‍വര്‍ മുഹ്‌യിദ്ധീന്‍ ഹുദവി ആലുവ മുഖ്യപ്രഭാഷണം നടത്തും. നാളെ സയ്യിദ് ഹസന്‍ സഖാഫ് തങ്ങള്‍ കൊപ്പം ഉദ്ഘാടനം ചെയ്യും. 'ഖബ്‌റിലെ അത്ഭുതങ്ങള്‍' എന്ന വിഷയത്തില്‍ ശമീര്‍ ദാരിമി കൊല്ലം മുഖ്യപ്രഭാഷണം നടത്തും.
ശനിയാഴ്ച്ച കൊപ്പം മഹല്ല് ഖത്വീബ് ജി.എം സ്വലാഹുദ്ധീന്‍ ഫൈസി വല്ലപ്പുഴ ഉദ്ഘാടനം ചെയ്യും. അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍ ദുആ സമ്മേളനത്തിനു നേതൃത്വം നല്‍കും. 'മദീന വിശ്വാസികളുടെ നിത്യഹരിതം' എന്ന വിഷയത്തില്‍ അബ്ദുല്‍ ജലീല്‍ റഹ്മാനി വാണിയന്നൂര്‍ മുഖ്യപ്രഭാഷണം നടത്തും. കൊപ്പം മഹല്ല് പ്രസിഡന്റ് കെ.പി മമ്മിക്കുട്ടി മാസ്റ്റര്‍, സെക്രട്ടറി ഇ. മുസ്തഫ മാസ്റ്റര്‍, ട്രഷറര്‍ ടി. റിയാസുദ്ധീന്‍, മുഹമ്മദ് ത്വയ്യിബ് മുസ്‌ലിയാര്‍ ആലൂര്‍, ഷമീര്‍ ദാരിമി കരിങ്ങനാട്, മൂസ മുസ്‌ലിയാര്‍ ചെമ്മലശ്ശേരി, എം.വി ഉമര്‍ ഹാജി, കെ. ഫൈസല്‍, അബ്ദുസ്സലാം, ഹുസ്സന്‍ കുട്ടി, ഷബീര്‍, ഇ. അലി സംബന്ധിക്കും. സ്വദര്‍ മുനീര്‍ മുസ്‌ലിയാര്‍ ചെമ്പുലങ്ങാട് സ്വാഗതവും സെക്രട്ടറി ഇ.കെ നൗഷാദ് നന്ദിയും പറയും.