കയ്പമംഗലം: കയ്പമംഗലം 12ല്‍ ദേശിയപാതയോരത്തെ ആക്രിക്കടയില്‍ തീപിടുത്തം. കടയുടെ ഒരു ഭാഗത്തെ ഓല ഷെഡ് പൂര്‍ണ്ണമായും കത്തി നശിച്ചു. ഇന്നലെ രാവിലെ ഏഴു മണിയോടെയാണ് സംഭവം. പരിസരവാസികളാണ് തീ കത്തുന്നത് ആദ്യം കണ്ടത്. ഉടന്‍ തന്നെ തൊട്ടടുത്ത വീട്ടില്‍ നിന്നും വെള്ളം പമ്പ് ചെയ്ത് തീയണക്കാന്‍ ശ്രമിച്ചെങ്കിലും തീ പൂര്‍ണമായും അണയ്ക്കാന്‍ സാധിച്ചില്ല. പിന്നീട് ഇരിങ്ങാലക്കുടയില്‍ നിന്നും ഫയര്‍ഫോഴ്‌സ് എത്തിയാണ് തീയണച്ചത്. തമിഴ്‌നാട് സ്വദേശി കുമാറിന്റെ ഉടമസ്ഥതയിലുള്ളതാണ് ആക്രിക്കട. കാര്‍ഡ് ബോര്‍ഡില്‍ സൂക്ഷിച്ചിരുന്ന വസ്തുക്കളാണ് കത്തി നശിച്ചത്.