കണ്ണൂര്‍: സംസ്ഥാന സ്‌കൂള്‍ നോര്‍ത്ത് സോണ്‍ ഗെയിംസ് മത്സരങ്ങളും ദേശീയ സ്‌കൂള്‍ ചാംപ്യന്‍ഷിപ്പില്‍ പങ്കെടുക്കുന്ന കേരള സ്‌കൂള്‍ ടീമുകളുടെ ഫൈനല്‍ സെലക്ഷനും നാളെ മുതല്‍ 18 വരെ കണ്ണൂരില്‍ നടക്കും. അണ്ടര്‍ 17, അണ്ടര്‍ 19 ആണ്‍, പെണ്‍ വിഭാഗങ്ങളിലായാണ് മത്സരം. ഒന്നാമത്തെ ദിവസമായ നാളെ അണ്ടര്‍ 14, അണ്ടര്‍ 17 ആണ്‍, പെണ്‍ വിഭാഗത്തിലെ മത്സരങ്ങളും അണ്ടര്‍ 19 പെണ്‍കുട്ടികളുടെ ഫുട്‌ബോള്‍ മത്സരവും നടക്കും.  അണ്ടര്‍ 19 ആണ്‍, പെണ്‍ വിഭാഗത്തിന്റെ മത്സരങ്ങള്‍ 15 നും ദേശീയ സ്‌കൂള്‍ മത്സരത്തില്‍ പങ്കെടുക്കേണ്ട കേരള ടീമുകളുടെ തിരഞ്ഞെടുപ്പ് 17, 18 തിയതികളിലും കണ്ണൂര്‍ പൊലിസ് മൈതാനിയില്‍ നടക്കും.