കുറ്റ്യാടി: കാലങ്ങളായുള്ള കുറ്റ്യാടിക്കാരുടെ സ്വപ്നം പുതിയ സ്റ്റാന്‍ഡ്് നാളെ യാഥാര്‍ഥ്യമാവുമെന്ന് ഗ്രാമപഞ്ചായത്ത് പ്രസിഡന്റ് സി.എന്‍ ബാലകൃഷ്ണന്‍ അറിയിച്ചു. കാലത്ത് പത്തുമണിക്ക് നടക്കുന്ന ചടങ്ങില്‍ പഞ്ചായത്ത് പ്രസിഡന്റ്് ഫ്‌ളാഗ് ഓഫ് ചെയ്യും. യാത്രക്കാര്‍ക്ക് കുടിവെള്ളം, ശൗച്യാലയം തുടങ്ങിയ അടിസ്ഥാന സൗകര്യങ്ങള്‍ ഒരുക്കിയിട്ടുണ്ട്്.
3.20 കോടി രൂപ ചെലവഴിച്ചാണ് ബസ് സ്റ്റാന്റ് നിര്‍മാണം പൂര്‍ത്തീകരിച്ചത്. കോഴിക്കോട്, തൊട്ടില്‍പാലം, മാനന്തവാടി, വടകര, തലശ്ശേരി ഭാഗങ്ങളിലേക്കുള്ള ബസുകള്‍ ഇവിടെനിന്നാണ് ഇനി മുതല്‍ സര്‍വീസ് നടത്തുക. പത്രസമ്മേളനത്തില്‍ പി.സി രവീന്ദ്രന്‍, ഇ.കെ നാണു, കെ. രജിത, കെ.വി ജമീല പങ്കെടുത്തു.